وَالسَّمَاءِ ذَاتِ الْبُرُوجِ (1)

قَسم ہے بُرجوں (قلعوں) والے آسمان کی۔

وَالْيَوْمِ الْمَوْعُودِ (2)

اور وعدہ کئے گئے دن (قیامت) کی۔

وَشَاهِدٍ وَمَشْهُودٍ (3)

اور گواہ کی قَسم اور اس چیز کی جس کی گواہی دی جائے گی۔

قُتِلَ أَصْحَابُ الْأُخْدُودِ (4)

غارت ہوئے خندق والے۔

النَّارِ ذَاتِ الْوَقُودِ (5)

جس میں بھڑکتے ہوئے ایندھن والی آگ تھی۔

إِذْ هُمْ عَلَيْهَا قُعُودٌ (6)

جب کہ وہ اس (خندق) کے کنارے پر بیٹھے ہوئے تھے۔

وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ (7)

اور وہ جو کچھ اہلِ ایمان کے ساتھ کر رہے تھے اس کو دیکھ رہے تھے۔

وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ (8)

اورانہوں نے اہلِ ایمان کی کسی چیز کو ناپسند نہیں کیا (اور ان میں کوئی عیب نظر نہیں آیا) سوائے اس کے کہ وہ اللہ پر ایمان لائے جو غالب ہے (اور) سزاوارِ ستائش ہے۔

الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ (9)

وہ جس کی آسمانوں اور زمین میں بادشاہی ہے اور ہر چیز پر گواہ ہے۔

إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ (10)

جن لوگوں نے مؤمن مردوں اور مؤمن عورتوں پر ظلم و ستم کیا اور پھر توبہ بھی نہ کی تو ان کیلئے جہنم کا عذاب ہے اور آگ سے جلنے کی سزا ہے۔

إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِنْ تَحْتِهَا الْأَنْهَارُ ۚ ذَٰلِكَ الْفَوْزُ الْكَبِيرُ (11)

بےشک جو لوگ ایمان لائے اور نیک عمل کئے ان کیلئے (جنت کے) باغ ہیں جن کے نیچے نہریں جاری ہیں یہ بڑی کامیابی ہے۔

إِنَّ بَطْشَ رَبِّكَ لَشَدِيدٌ (12)

بےشک تمہارے پروردگار کی گرفت بڑی سخت ہے۔

إِنَّهُ هُوَ يُبْدِئُ وَيُعِيدُ (13)

وہی پہلی بار پیدا کرنے والا ہے اور وہی دوبارہ پیدا کرے گا۔

وَهُوَ الْغَفُورُ الْوَدُودُ (14)

وہ بڑا بخشنے والا (اور) بڑا محبت کرنے والا ہے۔

ذُو الْعَرْشِ الْمَجِيدُ (15)

وہ عرش کامالک (اور) بڑی شان والا ہے۔

فَعَّالٌ لِمَا يُرِيدُ (16)

وہ جو چاہتا ہے وہ کر گزرتا ہے۔

هَلْ أَتَاكَ حَدِيثُ الْجُنُودِ (17)

کیا تمہیں لشکروں کی خبر پہنچی ہے؟

فِرْعَوْنَ وَثَمُودَ (18)

یعنی فرعون اور ثمود (کے لشکروں) کی۔

بَلِ الَّذِينَ كَفَرُوا فِي تَكْذِيبٍ (19)

بلکہ یہ کافر (و منکر) تو جھٹلانے میں لگے ہیں۔

وَاللَّهُ مِنْ وَرَائِهِمْ مُحِيطٌ (20)

حالانکہ اللہ ان کو آگے پیچھے سے گھیرے ہوئے ہے۔

بَلْ هُوَ قُرْآنٌ مَجِيدٌ (21)

بلکہ وہ بڑی شان والا قرآن ہے۔

فِي لَوْحٍ مَحْفُوظٍ (22)

جو لوحِ محفوظ میں ثبت ہے۔